மதுரை அவனியாபுரம் ஜல்லிக்கட்டு போட்டி நிறைவு
மதுரை அவனியாபுரத்தைச் சேர்ந்த கார்த்திக் முதலிடம் பிடித்து காரை பரிசாக வென்றார்.
ஜல்லிக்கட்டு
பொங்கல் விழாவையொட்டி மதுரை மாவட்டத்தில் புகழ் பெற்ற ஜல்லிக்கட்டு போட்டிகள் நடைபெறுவது வழக்கம். அந்த வகையில் பொங்கல் பண்டிகை நாளான இன்று அவனியாபுரத்தில் ஜல்லிக்கட்டு போட்டி நடைபெற்று வருகிறது. அவனியாபுரம் ஜல்லிக்கட்டு போட்டியை அமைச்சர் மூர்த்தி கொடியசைத்து தொடங்கிவைத்தார். போட்டியில் பங்கேற்க மொத்தம் 1,000 காளைகள், 800 மாடுபிடி வீரர்களுக்கு டோக்கன் வழங்கப்பட்டுள்ளது.
போட்டியில் காயமடையும் வீரர்களுக்கு சிகிச்சையளிப்பதற்காக டாக்டர்கள் குழுவினர் தயார் நிலையில் உள்ளனர். மதுரை மாநகர போலீஸ் கமிஷனர் லோகநாதன் தலைமையில் 1,500 போலீசார் பாதுகாப்பு பணியில் ஈடுபடுகிறார்கள்.
Live Updates
15 Jan 2024 9:20 AM ISTஅவனியாபுரம் ஜல்லிக்கட்டு: 3 ஆம் சுற்று தொடங்கியது
அவனியாபுரம் ஜல்லிக்கட்டில் 2-ம் சுற்று நிறைவடைந்து 3-வது சுற்று தொடங்கியுள்ளது. 3ஆம் சுற்றில் வீரர்கள் ஆரஞ்சு நிற உடை அணிந்து களம் கண்டுள்ளனர். முதல் மற்றும் இரண்டாவது சுற்று முடிவில் இதுவரை 172 காளைகள் அவிழ்த்து விடப்பட்டுள்ளன.
தேனி சீலையாப்பட்டி பகுதியை சேர்ந்த மாடுபிடி வீரர் முத்து கிருஷ்ணன் 7 காளைகளை அடக்கி முதலிடத்தில் உள்ளார். அவனியாபுரம் பகுதியை சேர்ந்த வீரர் கார்த்தி, ரஞ்சித் தலா 6 காளைகளை அடக்கி 2-வது இடத்தில் உள்ளனர்.
- 15 Jan 2024 8:50 AM IST
அவனியாபுரம் ஜல்லிக்கட்டு போட்டியில் விசிக தலைவர் திருமாவளவன் காளை வெற்றி பெற்றது
- 15 Jan 2024 8:50 AM IST
அவனியாபுரம் ஜல்லிக்கட்டு போட்டியில் இதுவரை 12 பேர் காயம் அடைந்து மருத்துவமனையில் சிகிச்சை பெற்று வருகின்றனர்.
- 15 Jan 2024 8:21 AM IST
மதுரை அவனியாபுரம் ஜல்லிக்கட்டு போட்டி விறுவிறுப்பாக நடைபெற்று வருகிறது.
*முதல் சுற்று முடிவில் தேனி சீலையம்பட்டி பகுதியை சேர்ந்த மாடுபிடி வீரர் முத்துகிருஷ்ணன் 6 காளைகள் அடக்கி முதலிடம் பிடித்துள்ளார்.
*அவனியாபுரம் பகுதியை சேர்ந்த திருப்பதி, மணி தலா 4 வீரர்களை பிடித்து 2-ஆம் இடம்
*மதுரை வளையங்குளம் பகுதியை சேர்ந்த பாலா 2 காளைகளை அடக்கி 3 ஆம் இடத்தில் உள்ளார்.
*மதுரை அவனியாபுரம் ஜி.ஆர். கார்த்தி என்பவரது காளை சிறந்த காளையாக தேர்ந்தெடுக்கப்பட்ட்டுள்ளது.
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
