சிங்காரவேலர் கோவிலில் கார்த்திகை வழிபாடு

சிக்கல்:

சிக்கல் சிங்காரவேலர் கோவிலில் கார்த்திகை வழிபாடு நடந்தது.

சிங்காரவேலர் கோவில்

சிக்கல் சிங்காரவேலர் கோவிலில் புரட்டாசி மாத கார்த்திகையை முன்னிட்டு சிறப்பு வழிபாடு நடந்தது. இதை முன்னிட்டு சிங்காரவேலவருக்கு, பால், தயிர், சந்தனம், விபூதி, பஞ்சாமிர்தம், பன்னீர், திரவிய பொருட்களால் சிறப்பு அபிஷேக, ஆராதனை செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

கார்த்திகை வழிபாடு

வேதாரண்யம் வேதாரண்யேஸ்வரர் கோவிலில் புரட்டாசி மாத கார்த்திகை வழிபாடு நடந்தது. இதை முன்னிட்டு இந்த கோவிலில் உள்ள ஆறுமுகக் கடவுளுக்கும், வெளிபிரகாரத்தில் உள்ள மேலக்குமரருக்கும் கார்த்திகையை முன்னிட்டு சிறப்பு அபிஷேக, ஆராதனைகள் செய்யப்பட்டு மலர்களால் அலங்கரித்து தீபாராதனை காண்பிக்கப்பட்டது.

இதேபோல கோடியக்காடு அமிர்தகடேஸ்வரர் கோவிலில் உள்ள அமிர்தகர சுப்பிரமணியசாமி, தோப்புத்துறை கைலாசநாதர் கோவிலில் முருகன், ஆறுகாட்டுத்துறை கற்பகவிநாயகர் கோவிலில் உள்ள முருகன், வேதாரண்யம் நகரில் உள்ள நாட்டுமடம் மாரியம்மன் கோவிலில் உள்ள சுப்பிரமணியர் உள்ளிட்டு சிறப்பு வழிபாடு நடந்தது.