கிக் பாக்ஸிங் வீரர்கள் பதக்கம் வென்று சாதனை

தேசிய அளவில் நடைபெற்ற கிக் பாக்ஸிங் போட்டியில் ராணிப்பேட்டை மாவட்ட கிக்பாக்ஸிங் வீரர் வீராங்கனைகள் 9 தங்கம், 6 வெள்ளி, 5 வெங்கலம் வென்றனர்.

ஜார்கண்ட் மாநிலத்தில் வாக்கோ இந்தியா சார்பில் குழந்தைகள் மற்றும் சிறுவர்களுக்கான தேசிய அளவிலான பிக் பாக்ஸிங் போட்டி கடந்த 23-ந்் தேதி முதல் 27-ந் தேதி வரை நடைபெற்றது. இந்த போட்டியில் 32 மாநிலங்களில் இருந்து ஸ்ரீ ஆயிரத்துக்கும் மேற்பட்ட வீரர்கள் பங்கேற்றனர். தமிழகத்தில் இருந்து 183 வீரர்கள், வீராங்கனைகள் பங்கேற்று பல்வேறு பிரிவுகளில் வெற்றி பெற்றனர்.

ராணிப்பேட்டை மாவட்ட கிக்பாக்சிங் சார்பில் மாவட்ட பயிற்சியாளர் மோகன்ராஜ் தலைமையில் 15 வீரர்கள், வீராங்கனைகள் போட்டியில் கலந்து கொண்டு 9 தங்கம், 6 வெள்ளி, 5 வெண்கல பதக்கள் பெற்றனர். அவர்கள் பயிற்சியாளர் மோகன்ராஜ் தலைமையில் சோளிங்கர் தொகுதி சட்டமன்ற உறுப்பினர் ஏ.எம்.முனிரத்தினத்தை நேரில் சந்தித்து பதக்கங்களை காண்பித்து வாழ்த்து பெற்றனர். அப்போது வெற்றி பெற்ற வீரர்கள் சர்வதேச போட்டியில் பங்கேற்க தகுதி பெற்றுள்ளதாக பயிற்சியாளர் தெறிவித்தார்.