2 வாலிபர்கள்குண்டர் சட்டத்தில் கைது

திருப்பூர் மத்திய போலீஸ் நிலைய எல்லைக்குட்பட்ட எஸ்.ஆர்.நகர் தெற்கு பகுதியில் கடந்த ஜூலை மாதம் 31-ந்தேதி சிபிகார்த்திக் என்பவரை அரிவாளால் கழுத்து, தலை மற்றும் கை பகுதிகளில் வெட்டி கொலை முயற்சி செய்த வழக்கில் அசோக்குமார் (வயது 19), மோகன்குமார் என்ற கபாலி (21) உள்ளிட்ட 2 பேர் மீது மத்திய போலீசார் வழக்கு பதிவு செய்து கைது செய்தனர். இவர்கள் தொடர்ந்து பொதுமக்களுக்கும், பொது அமைதிக்கும் குந்தகம் விளைவிக்கும் வகையில் குற்ற செயல்களில் ஈடுபட்டு வந்ததால் இவர்கள் 2 பேரையும் குண்டர் தடுப்பு சட்டத்தின் கைது செய்ய மாநகர போலீஸ் கமிஷனர் பிரவீன்குமார் அபினபு உத்தரவிட்டார். இதைத் தொடர்ந்து கோவை மத்திய சிறையில் அடைக்கப்பட்டுள்ள அசோக்குமார், மோகன்குமார் என்ற கபாலி ஆகியோரிடம் குண்டர் சட்டத்தில் கைது செய்யப்பட்டதற்கான ஆணையை போலீசார் வழங்கினர்.