திருச்சி ஸ்ரீரங்கத்தில் தாலுகா கோர்ட்டு வளாகம் உள்ளது. இங்கு ஜூடிசியல் மாஜிஸ்திரேட்டு கோர்ட்டில் வக்கீல்களுக்கு நிா்வாக ஒத்துழைப்பு அளிக்கவில்லை என்று குற்றம்சாட்டியும், வக்கீல்களுக்கு எதிரான போக்கை கைவிட வலியுறுத்தியும் 'தி திருச்சிராப்பள்ளி பார் அசோசியேசன்' சார்பில் 2 நாட்கள் ஸ்ரீரங்கத்தில் கோர்ட்டு புறக்கணிப்பில் ஈடுபட தீர்மானம் நிறைவேற்றப்பட்டது. அதன்படி நேற்று நூற்றுக்கும் மேற்பட்ட வக்கீல்கள் கோர்ட்டு பணியில் ஈடுபடாமல் புறக்கணிப்பு செய்தனர். இந்த போராட்டம் இன்றும் (வெள்ளிக்கிழமை) தொடரும் என்று வக்கீல்கள் சங்க செயலாளர் மதியழகன் தெரிவித்துள்ளார்.