மாணவ-மாணவிகளுக்கு நூலக உறுப்பினர் அட்டை-கலெக்டர் வழங்கினார்

சிவகங்கை மாவட்ட மைய நூலகம், மன்னர் மேல்நிலைப்பள்ளி மற்றும் நூலக நண்பர்கள் திட்டம் சார்பில் பள்ளி மாணவர்களை நூலகத்தில் உறுப்பினராக இணைத்து அவர்களுக்கு நூலக உறுப்பினர் அட்டை வழங்கும் விழா மன்னர் மேல்நிலைப்பள்ளியில் நடந்தது. மாவட்ட கலெக்டர் ஆஷா அஜீத் தலைமை தாங்கினார். இதில் சிவகங்கை மாவட்ட நூலக அலுவலர் ஜான் ஜாமுவேல் முன்னிலை வகித்தார்.

பள்ளி தலைமை ஆசிரியர் சுந்தர்ராஜன் வரவேற்றார். விழாவில் நூலக தன்னார்வலர் எழுத்தாளர் ஈஸ்வரன் மூலம் பள்ளி மாணவ- மாணவிகளுக்கு நூலகத்தில் உறுப்பினராக இணைத்ததற்காக வழங்கப்பட்ட நூலக அட்டை மற்றும் புத்தகங்களை கலெக்டர் ஆஷா அஜீத் வழங்கினார். இந்நிகழ்ச்சியில் தன்னார்வலர் ரமேஷ் கண்ணன், ரமண விகாஸ் மேல்நிலைப்பள்ளி தாளாளர் முத்து கண்ணன், நூலகர் கனகராஜ், ஆசிரியர் நடன சுந்தரம் மற்றும் ஆசிரியர்கள், மாணவ- மாணவிகள் கலந்து கொண்டனர்.