சாராயம் விற்றவர் கைது

சிக்கல்:

கீழ்வேளூர் போலீஸ் சரகம் வெண்மணி ஊராட்சி கீழ்க்காவலக்குடி பகுதியில் நேற்று போலீசார் ரோந்து பணியில் ஈடுபட்டனர். அப்போது கீழ்க்காவலக்குடி காளவாய்கரை பகுதியில் நின்று கொண்டிருந்த ஒருவரை பிடித்து விசாரணை நடத்தினர். விசாரணையில் அவர் அதே பகுதியை சேர்ந்த தவமணி மகன் தர்மராஜ் (வயது 32) என்பதும், சாராயம் விற்றது தெரியவந்தது. இதுகுறித்து கீழ்வேளூர் போலீசார் வழக்குப்பதிவு செய்து தர்மராஜை கைது செய்து, அவரிடம் இருந்த 110 லிட்டர் சாராயத்தை பறிமுதல் செய்தனர்.