மது விற்றவர் கைது

தா.பழூர்:

அரியலூர் மாவட்டம், தா.பழூர் அருகே உள்ள பொற்பொதிந்தநல்லூர் கிராமத்தில் மது பாட்டில்களை சட்டவிரோதமாக வீட்டில் பதுக்கி விற்பனை செய்வதாக தா.பழூர் போலீசாருக்கு ரகசிய தகவல் கிடைத்தது. இதையடுத்து சப்-இன்ஸ்பெக்டர் சரத்குமார் தலைமையிலான போலீசார் அங்கு ரோந்து பணியில் ஈடுபட்டனர். அப்போது பொற்பொதிந்தநல்லூர் தெற்கு தெருவை சேர்ந்த ரவி(வயது 43) என்பவர் வீட்டின் பின்புறம் விற்பனைக்காக மதுபாட்டில்கள் பதுக்கி வைத்திருந்தது போலீசாருக்கு தெரியவந்தது. இதையடுத்து 21 மது பாட்டில்களை போலீசார் பறிமுதல் செய்தனர். மேலும் இது குறித்து வழக்குப்பதிவு செய்து ரவியை கைது செய்து, அவரிடம் இருந்து மது பாட்டில்கள் விற்றதன் மூலம் கிடைத்த ரூ.1,540-ஐ கைப்பற்றினர்.