மது விற்றவர் கைது

விக்கிரமங்கலம்:

அரியலூர் மாவட்டம், விக்கிரமங்கலம் போலீஸ் சப்- இன்ஸ்பெக்டர் லோகநாதன் தலைமையிலான போலீசார் நாகமங்கலம் பகுதியில் ரோந்து பணியில் ஈடுபட்டனர். அப்போது மது விற்பதாக கிடைத்த ரகசிய தகவலின்பேரில் நாகமங்கலம் அரசுகாரன் கொட்டாய் பகுதியை சேர்ந்த சின்னப்பிள்ளை(வயது 39) என்பவரது வீட்டில் சோதனை செய்தனர். இதில் அவரது வீட்டின் பின்புறம் விற்பனை செய்வதற்காக மறைத்து வைக்கப்பட்டிருந்த 20 மது பாட்டில்களை போலீசார் பறிமுதல் செய்தனர். மேலும் இது குறித்து வழக்குப்பதிவு செய்து சின்னப்பிள்ளையை கைது செய்து விசாரணை நடத்தி வருகின்றனர்.