மது விற்றவர் கைது

விராலிமலை மற்றும் அதன் சுற்றுவட்டார பகுதிகளில் மதுவிற்கப்படுவதாக விராலிமலை போலீசாருக்கு தகவல் கிடைத்தது. தகவலின் பேரில் விராலிமலை போலீஸ் சப்-இன்ஸ்பெக்டர் சண்முகம் தலைமையிலான போலீசார் மாதிரிபட்டி பகுதியில் ரோந்து பணியில் ஈடுபட்டனர். அப்போது விராலிமலை அருகே மாதிரிபட்டி டாஸ்மாக் கடை அருகே மறைத்து வைத்து மதுபாட்டில்களை விற்று கொண்டிருந்த அத்திப்பள்ளத்தை சேர்ந்த அரிச்சந்திரன் மகன் சிலம்பரசன் (வயது 37) என்பவரை கைது செய்தனர். மேலும் அவரிடமிருந்து 139 மது பாட்டில்களை பறிமுதல் செய்தனர்.