சாராயம் கடத்தியவர் கைது

சிக்கல்:

கீழ்வேளூர் அருகே பெருங்கடம்னூர்-ஆழியூர் சாலையில் உள்ள தனியார் தொழிற்பயிற்சி நிலையம் பகுதியில் கீழ்வேளூர் போலீஸ் இன்ஸ்பெக்டர் சோமசுந்தரம் மற்றும் போலீசார் வாகன சோதனையில் ஈடுபட்டனர். அப்போது அந்த வழியாக ஸ்கூட்டரில் வந்த ஒருவரை நிறுத்தி விசாரணை நடத்தினர். இதில் அவர்,கீழ்வேளூர் பிள்ளை தெருவாசல் பகுதியை சேர்ந்த ஆனந்தன் (வயது 47), என்பதும் ஸ்கூட்டரில் காரைக்காலில் இருந்து சாராயம் கடத்தி வந்ததும் தெரியவந்தது. இதுகுறித்து கீழ்வேளூர் போலீசார் வழக்குப்பதிவு செய்து ஆனந்தனை கைது செய்தனர். மேலும் அவரிடம் இருந்து 110 லிட்டர் சாராயம் மற்றும் கடத்தலுக்கு பயன்படுத்திய ஸ்கூட்டரையும் பறிமுதல் செய்தனர்.