பெரம்பலூர் அரசு கலை-அறிவியல் கல்லூரியில் இன்று நேரடி கலந்தாய்வு

குரும்பலூரில் உள்ள பெரம்பலூர் அரசு கலை மற்றும் அறிவியல் கல்லூரியில் 2023-24-ம் கல்வியாண்டிற்கான இளநிலை பாடப்பிரிவுகளில் சேர இணையதளம் மூலம் விண்ணப்பித்த மாணவ-மாணவிகளுக்கு 2-ம் கட்டமாக கலந்தாய்வு நடந்து முடிந்தது. இந்த நிலையில் பி.எஸ்சி. கணிதம், வேதியியல், இயற்பியல், பி.ஏ. ஆங்கிலம், சுற்றுலா-பயண மேலாண்மை மற்றும் சமூகப்பணி இளங்கலை (பி.எஸ்.டபிள்யூ.) ஆகிய பாடப்பிரிவுகளுக்கு மாணவர் சேர்க்கைக்கான விண்ணப்பங்கள் கல்லூரியில் நேரில் வழங்கப்பட்டு வருகிறது. மேற்கண்ட பாடப்பிரிவுகளுக்கு விண்ணப்பங்களை பெற்ற மாணவ-மாணவிகளுக்கு நேரடி கலந்தாய்வு இன்று (திங்கட்கிழமை) கல்லூரியில் நடக்கிறது. மேலும் 2, 3-ம் ஆண்டு மாணவ-மாணவிகளுக்கு இன்று கல்லூரி திறக்கப்படுகிறது.