அந்தியூர் கால்நடை சந்தையில் கொங்கு காளை மாடு ஜோடி ரூ.1½ லட்சத்துக்கு விற்பனை

அந்தியூர்

அந்தியூர் கால்நடை சந்தையில் கொங்கு காளை மாடு ஜோடி ரூ.1½ லட்சத்துக்கு விற்பனையானது.

கொங்கு காளை மாடு

அந்தியூரில் கால்நடை சந்தை நடைபெற்றது. இதற்கு மேட்டூர், மேச்சேரி, கொங்கணாபுரம், எடப்பாடி, தர்மபுரி, கொளத்தூர், பண்ணவாடி, பர்கூர் உள்பட பல்வேறு பகுதிகளில் இருந்து ஏராளமான கால்நடைகள் கொண்டு வரப்பட்டன.

இதில் கொங்கு காளை மாடு ஜோடி குறைந்தபட்சம் ரூ.80 ஆயிரத்திற்கும், அதிகபட்சம் ரூ.1 லட்சத்து 50 ஆயிரத்திற்கும், காங்கேயம் காளை மாடு ஜோடி குறைந்தபட்சம் ரூ.80 ஆயிரத்திற்கும், அதிகபட்சம் ரூ.1 லட்சத்து 50 ஆயிரத்திற்கும், நாட்டு பசு மாடு ஒன்று குறைந்தபட்சம் ரூ.30 ஆயிரத்திற்கும், அதிகபட்சம் ரூ.40 ஆயிரத்திற்கும் ஏலம் போனது.

எருமை மாடு

சிந்து பசுமாடு ஒன்று குறைந்தபட்சம் ரூ.20 ஆயிரத்துக்கும், அதிகபட்சம் ரூ.40 ஆயிரத்திற்கும், எருமை மாடு ஒன்று குறைந்தபட்சம் ரூ.30 ஆயிரத்திற்கும், அதிகபட்சம் ரூ.75 ஆயிரத்திற்கும், பர்கூர் இன காளைமாடு ஜோடி குறைந்தபட்சம் ரூ.20 ஆயிரத்திற்கும், அதிகபட்சம் ரூ.40 ஆயிரத்திற்கும், பசு மாடு ஒன்று குறைந்தபட்சம் ரூ.15 ஆயிரத்திற்கும், அதிகபட்சம் ரூ.25 ஆயிரத்திற்கும் விலை போனது.

ஈரோடு, சத்தியமங்கலம், திருப்பூர், கோவை, மேட்டுப்பாளையம், பொள்ளாச்சி ஆகிய பகுதிகளில் இருந்து வந்த வியாபாரிகள் கால்நடைகளை விலை பேசி பிடித்து சென்றனர்.