சங்கரன்கோவில்:

சங்கரன்கோவில் ஒன்றியம் நொச்சிக்குளம் ஊராட்சியில் நெல்லை மண்டல இணை இயக்குனர் பொன்னுவேல் மற்றும் நெல்லை கோட்ட உதவி இயக்குனர் கலையரசி ஆகியோர் அறிவுரைப்படி நொச்சிக்குளம் கிராமத்தில் சிறப்பு கால்நடை சுகாதாரம் மற்றும் விழிப்புணர்வு முகாம் நடைபெற்றது. ஊராட்சி ஒன்றிய கவுன்சிலர் முனியம்மாள் தொடங்கி வைத்தார். ஊராட்சி மன்ற தலைவர் வெள்ளத்தாய் சிறப்புரையாற்றினார். மாவட்ட கவுன்சிலர் கனிமொழி சிறந்த கிடேரி கன்றுகளுக்கும், சிறந்த கால்நடை மேலாண்மைக்கான பரிசுகளை வழங்கினார். சங்கரன்கோவில் கால்நடை உதவி இயக்குனர் ரஹ்மத்துல்லா தொழில்நுட்ப உரையாற்றினார். வடக்கு புதூர் கால்நடை மருந்தக உதவி மருத்துவர் வசந்தா, பெரும்பத்தூர் உதவி மருத்துவர் மகிழன், கால்நடை பராமரிப்பு உதவியாளர் முத்துமாரியப்பன் ஆகியோர் ஏற்பாடுகளை செய்து இருந்தனர்.