மாற்றுத்திறனாளிகளுக்கு ரூ.6 லட்சம் கடன் உதவி

திருப்பத்தூர் தாலுகா பேராம்பட்டு தொடக்க வேளாண்மை கூட்டுறவு கடன் சங்கம் மூலம் 25 மாற்றுத் திறனாளிகளுக்கு ரூ.6 லட்சம் கடன் வழங்கும் நிகழ்ச்சி வங்கி கட்டிடத்தில் நடைபெற்றது. நிகழ்ச்சிக்கு தலைவர் ஆர்.குலோத்துங்கன் தலைமை வகித்தார். செயலாளர் சிட்டிபாபு வரவேற்றார். துணைத் தலைவர் திருநாவுக்கரசு முன்னிலை வகித்தார். இதில் நல்லதம்பி எம்.எல்.ஏ. கலந்து கொண்டு 25 மாற்றுத் திறனாளிகளுக்கு ரூ.6 லட்சம் கடன் உதவியை வழங்கி பேசினார்.

நிகழ்ச்சியில் மாவட்ட அறங்காவலர் குழு தலைவர் கே.எஸ். அன்பழகன், ஒன்றிய செயலாளர்கள் கே.ஏ.குணசேகரன், முருகேசன், அவைத்தலைவர் ஏ.ராஜா, ஆர்.தசரதன், துணை செயலாளர் சீனிவாசன், இயக்குனர்கள் அம்சா விஸ்வநாதன், முருகன் உள்பட பலர் கலந்து கொண்டனர். முடிவில் இயக்குனர் ஜி.தெய்வக்குமார் நன்றி கூறினார்.