பருப்பு மில்லில் ரூ.9 லட்சம் மோசடி செய்தவர் கைது

விருதுநகர் கச்சேரி ரோட்டில் பருப்பு மில் வைத்திருப்பவர் வெங்கடேஷ் (வயது 40). இவரது பருப்பு மில்லில் வேலை பார்த்த அன்னை சிவகாமிபுரத்தை சேர்ந்த ஜெயவேலன் (40) என்பவர் பருப்பு மில்லில் விற்பனை பணம் ரூ.8 லட்சத்து 94 ஆயிரத்து 900-த்தை மோசடி செய்ததாகவும், மோசடி செய்த பணத்தில் வீடு கட்டியதாகவும், ஆடம்பர செலவு செய்ததாகவும், இதற்கு அவரது பெற்றோர் ஜெயராஜ், தனலட்சுமி மற்றும் பருப்புமில்லில் வேலை பார்த்த விக்னேஷ், சதீஷ் ஆகிய 4 பேரும் உடந்தையாக இருந்ததாக விருதுநகர் மேற்கு போலீசில் புகார் செய்திருந்தார். அதன் பேரில் மேற்படி 4 பேர் மீதும் போலீசார் வழக்குப்பதிவு செய்து விசாரணை மேற்கொண்டனர். இந்தநிலையில் ஜெயவேலன் தலைமறைவானதை தொடர்ந்து போலீசார் அவரை தேடி வந்தனர். இதையடுத்து நேற்று ஜெயவேலனை போலீசார் கைது செய்து சிறையில் அடைத்தனர்.