14 வயது சிறுமியை திருமணம் செய்தவர் கைது

டி.கல்லுப்பட்டி அருகே உள்ள கொட்டாணிபட்டியை சேர்ந்தவர் முத்தையா. இவருடைய மகன் பால்பாண்டி (வயது 23). இவர் டி. கல்லுப்பட்டி பகுதியை சேர்ந்த 14 வயது சிறுமியை திருமணம் செய்து கொண்டார். இது குறித்த தகவல் டி.கல்லுப்பட்டி ஊராட்சி ஒன்றிய சமூக நல அலுவலர் கருப்பாயிக்கு கிடைத்தது. அவர் டி.கல்லுப்பட்டி போலீசில் புகார் செய்தார். குழந்தை திரூமணம் செய்தல், மற்றும் போக்சோ சட்டத்தின் கீழ் போலீசார் வழக்கு பதிவு செய்து பால்பாண்டியை கைது செய்தனர்.