பறவைகளை வேட்டையாட முயன்றவர் கைது

வேதாரண்யம்:

வேதாரண்யத்தை அடுத்த செட்டிப்புலம் பகுதியில் திருச்சி வன மண்டல தலைமை வனப்பாதுகாவலர் சதீஷ், நாகை வன உயிரினக்காப்பாளர் யோகேஷ்குமார் மீனா ஆகியோர் பறவைகள் வேட்டையாடுவதை தடுக்க உத்தரவிட்டனர். அதன்படி வேதாரண்யம் வனச்சரக அலுவலர் அயூப்கான் தலைமையில் வனவர் ராமதாஸ், வனக்காப்பாளர்கள் ரணீஷ்குமார், செல்வி, இலக்கியா, வேட்டை தடுப்பு காவலர்கள் நிர்மல்ராஜ், பாண்டியன் ஆகியோர்அடங்கிய சிறப்பு குழுவினர் நேற்று தியாகராஜபுரம் செட்டிபுலம் பகுதியில் கண்காணிப்பு பணியில் ஈடுபட்டனர். அப்போது அதே பகுதியை சேர்ந்த சுப்பிரமணியன்(வயது50) என்பவர் மடையான், கொக்கு பறவைகளை வலைவைத்து பிடிக்க முயன்றது தெரிய வந்தது. இதுகுறித்து வனத்துறையினர் வழக்குப்பதிவு செய்து சுப்பிரமணியனை கைது செய்தனர். மேலும் அவருக்கு ரூ.15 ஆயிரம் அபராதம் விதித்தனர்.