மோட்டார் சைக்கிளில் இருந்து கீழே விழுந்தவர் சாவு

புதுக்கோட்டை மாவட்டம், பொன்னமராவதி அருகே உள்ள தூத்தூர் பகுதியை சேர்ந்தவர் மலைச்சாமி(வயது 45). இவர், பொன்னமராவதியில் இருந்து தனது ஊருக்கு மோட்டார் சைக்கிளில் சென்று கொண்டிருந்தார். அப்போது ஆலவயல் மனக்கண்மாய் பகுதியில் சென்று கொண்டிருந்த போது நிலை தடுமாறி கீழே விழுந்தார். இதனை பார்த்த அக்கம் பக்கத்தினர் அவரை மீட்டு தஞ்சாவூர் அரசு மருத்துவக்கல்லூரி மருத்துவமனையில் சிகிச்சைக்காக அனுமதித்தனர். இந்த நிலையில் சிகிச்சை பெற்றுவந்த மலைச்சாமி சிகிச்சை பலனின்றி உயிரிழந்தார். இந்த சம்பவம் குறித்து மலைச்சாமி மனைவி விஜி அளித்த புகாரின்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.