விபத்தில் கொத்தனார் சாவு

வேடசந்தூர் அருகே உள்ள புளியம்பட்டியை சேர்ந்தவர் தர்மராஜ் (வயது 34). கொத்தனார். இவர் கடந்த 18-ந்தேதி மோட்டார் சைக்கிளில் மாரம்பாடியில் இருந்து பூத்தம்பட்டி நோக்கி சென்று கொண்டிருந்தார். பூத்தம்பட்டி அருகே அவர் வந்தபோது, எதிரே வந்த அரசு பஸ் ஒன்று மோட்டார் சைக்கிள் மீது மோதியது. இதில், மோட்டார் சைக்கிளில் இருந்து தூக்கிவீசப்பட்ட தர்மராஜ் படுகாயம் அடைந்தனர். இதையடுத்து அவரை அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர். அங்கிருந்து அவர் மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டார். ஆனால் அங்கு சிகிச்சை பலனின்றி தர்மராஜ் நேற்று இறந்தார். இதுகுறித்து வேடசந்தூர் போலீஸ் சப்-இன்ஸ்பெக்டர் பாண்டியன் வழக்குப்பதிவு செய்து விசாரணை நடத்தி வருகிறார்.