மாற்றுத்திறனாளிகளுக்கு மருத்துவ முகாம்

திருப்பத்தூர் கலெக்டர் அலுவலக வளாகத்தில் மாற்றுத் திறனாளிகளுக்கு மருத்துவ முகாம் நடந்தது. கலெக்டர் பாஸ்கரபாண்டியன் தலைமை தாங்கி, மருத்துவ முகாமை தொடங்கி வைத்தார்.

முகாமில் 63 மாற்றுத்திறனாளிகளுக்கு தேசிய அடையாள அட்டை, 25 பேருக்கு இலவச பஸ் பயண அட்டை, 8 பேருக்கு ரூ.43 ஆயிரம் மதிப்பிலான காதொலி கருவிகள், ஊன்றுகோல் உள்பட பல்வேறு நலத்திட்ட உதவிகளை கலெக்டர் வழங்கினார்.

தொடர்ந்து மாற்றுத்திறனாளிகளுக்கு மதிய உணவினை வழங்கி, அவர்களுடன் அமர்ந்து கலெக்டர் உணவு அருந்தினார். இதில் மாவட்ட மாற்றுத்திறனாளிகள் நல அலுவலர் பாலாஜி, மாவட்ட மனநல மருத்துவ அலுவலர் பிரபாவராணி உள்பட பலர் கலந்து கொண்டனர்.