காணாமல் போன ஓவிய ஆசிரியர் பிணமாக மீட்பு

பொள்ளாச்சி

பொள்ளாச்சி அருகே காணாமல் போன ஓவிய ஆசிரியர் பிணமாக மீட்கப்பட்டார். அவர் கொலை செய்யப்பட்டாரா? என்று போலீசார் விசாரணை நடத்தி வருகின்றனர்.

ஓவிய ஆசிரியர்

பொள்ளாச்சி அருகே பாறமடையூரை சேர்ந்தவர் தட்சிணாமூர்த்தி(வயது 36). இவர் கோட்டூர் அரசு ஆண்கள் பள்ளியில் தற்காலிக ஓவிய ஆசிரியராக பணிபுரிந்து வந்தார். இவருடைய மனைவி தமிழ் தென்றல். இவர்களுக்கு 2 குழந்தைகள் உள்ளனர்.

இந்த நிலையில் தட்சிணாமூர்த்தி கடந்த 13-ந் தேதி கெடிமேடு சென்று, நிதி நிறுவனம் நடத்தும் ஒருவரிடம் பணம் வாங்கி வருவதாக தனது மனைவியிடம் கூறிவிட்டு சென்றார். ஆனால் அதன்பிறகு அவர் வீடு திரும்பவில்லை. பல இடங்களில் தேடியும் கண்டுபிடிக்க முடியவில்லை.

இதையடுத்து ஆழியாறு போலீசில், அவரது மனைவி தமிழ் தென்றல் புகார் அளித்தார். அதன்பேரில் போலீசார் வழக்குப்பதிவு செய்து, அவரை வலைவீசி தேடி வந்தனர்.

பிணமாக மீட்பு

இதற்கிடையில் கரியாஞ்செட்டிபாளையத்தில் உள்ள ஆற்றுப்படுகையில் உடல் அழுகிய நிலையில், தட்சிணாமூர்த்தி பிணமாக கிடப்பதாக ஆழியாறு போலீசாருக்கு தகவல் கிடைத்தது. அதன்பேரில் அங்கு விரைந்து சென்ற ேபாலீசார், பிணத்தை மீட்டு பிரேத பரிசோதனைக்காக பொள்ளாச்சி அரசு ஆஸ்பத்திரிக்கு அனுப்பி வைத்தனர்.

அவர் தற்கொலை செய்து கொண்டாரா அல்லது கொலை செய்யப்பட்டாரா என்பது தெரியவில்லை. அதுகுறித்து ஆழியாறு போலீசார் தீவிரமாக விசாரணை நடத்தி வருகின்றனர்.