வாலிபரிடம் செல்போன் பறித்த 3 பேர் கைது

தஞ்சாவூர், டிச.1-

புதுக்கோட்டை மாவட்டம் கந்தர்வக்கோட்டை காரியாவிடுதி பகுதியை சேர்ந்தவர் வீரமணி (வயது 22). இவர் தஞ்சை தேவன் நகர் குட்செட் சாலையில் செல்போன் பேசிக்கொண்டு நடந்து சென்றுள்ளார். அப்போது அந்த வழியாக மோட்டார் சைக்கிளில் வந்த 3 போ் வீரமணியிடம் இருந்து செல்போனை பறித்து விட்டு அங்கிருந்து தப்பி சென்று விட்டனர். இதுகுறித்து தஞ்சை மருத்துவக்கல்லூரி போலீஸ் நிலையத்தில் வீரமணி புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வந்தனர். இதில், வீரமணியிடம் செல்போன் பறித்தது, சக்கரசாமந்தம் பகுதியை சேர்ந்த மோகன்குமார் மகன் திலிப்குமார் (19), கரந்தை பூக்குளம் பகுதியை சேர்ந்த கணேசன் மகன் திருமலை (19), கரந்தையை சேர்ந்த திருஞானம் மகன் ஷியாம் (19) ஆகிய 3 பேர் என்பது தெரியவந்தது. இதையடுத்து அவர்கள் 3 பேரையும் போலீசார் கைது செய்தனர்.