மோட்டார் சைக்கிள் மோதி தொழிலாளி பலி

சிதம்பரம்

அண்ணாமலைநகர் உசுப்பூர் பெரிய தெருவை சேர்ந்தவர் ராம்(வயது 58). தொழிலாளியான இவர் சம்பவத்தன்று அண்ணாமலைநகர் மாரியப்பாநகர் மெயின் ரோட்டில் நடந்து சென்று கொண்டிருந்தார். அப்போது பின்னால் வந்த மோட்டார் சைக்கிள் அவர் மீது மோதியது. இந்த விபத்தில் படுகாயம் அடைந்த ராமை அக்கம் பக்கத்தினர் மீட்டு சிகிச்சைக்காக சிதம்பரம் ராஜா முத்தையா மருத்துவக்கல்லூரி ஆஸ்பத்திரியில் சேர்த்தனர். அங்கு சிகிச்சை பலனின்றி ராம் பரிதாபமாக உயிரிழந்தார். இதுகுறித்த புகாரின் பேரில் அண்ணாமலைநகர் போலீசார் வழக்குப்பதிவு செய்து விசாரணை நடத்தி வருகின்றனர்.