சரக்கு வேன் மீது மோட்டார் சைக்கிள் மோதல்; தனியார் நிறுவன ஊழியர் பலி

இலுப்பூர் தாலுகா மருதுபட்டியை சேர்ந்தவர் வேளாங்கண்ணி (வயது 40). இவர் தனியார் நிறுவனத்தில் ஊழியராக பணியாற்றி வந்தார். இந்தநிலையில், விராலிமலை- இலுப்பூர் சாலை ராஜகிரி பெரியகுளம் அருகே வேளாங்கண்ணி மோட்டார் சைக்கிளில் சென்று கொண்டிருந்தார். அப்போது எதிரே வந்த சரக்கு வேன் மீது மோட்டார் சைக்கிள் எதிர்பாராதவிதமாக மோதியது. இதில் பலத்த காயமடைந்த வேளாங்கண்ணி சம்பவ இடத்திலேயே பரிதாபமாக இறந்தார். இந்த விபத்து குறித்து தகவல் அறிந்த விராலிமலை போலீசார் சம்பவ இடத்திற்கு சென்று அவரது உடலை கைப்பற்றி பிரேத பரிசோதனைக்காக இலுப்பூர் அரசு மருத்துவமனைக்கு அனுப்பி வைத்தனர். மேலும் இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.