மோட்டார் சைக்கிள் திருட்டு

சாயல்குடி,

கடலாடி அருகே மீனங்குடி ஊராட்சி நரசிங்க கூட்டம் கிராமத்தைச் சேர்ந்தவர் முரளி தரன் (வயது 30). இவர் சாயல்குடி அரசு ஆரம்ப சுகாதார நிலையத்தில் சுகாதார ஆய்வாளராக பணிபுரிந்து வருகிறார். இவர் நேற்று முன்தினம் சாயல்குடி அரசு ஆரம்ப சுகாதார நிலையத்திற்கு பணிக்கு வந்தபோது வெளியில் மோட்டார் சைக்கிளை நிறுத்தி சென்றுள்ளார். பணி முடிந்து வெளியில் வந்து பார்த்தபோது மோட்டார் சைக்கிளை காணவில்லை. அதை யாரோ திருடி சென்று விட்டனர். இது குறித்து சாயல்குடி போலீசில் முரளிதரன் புகார் கொடுத்தார். அவர் கொடுத்த புகாரின் பேரில் சாயல்குடி சப்-இன்ஸ்பெக்டர் சல்மோன் வழக்கு பதிவு செய்து மோட்டார் சைக்கிளை திருடியவரை தேடி வருகிறார்.