மோட்டார் சைக்கிள் திருடியவர் கைது

வேப்பந்தட்டை

பெரம்பலூர் மாவட்டம், வேப்பந்தட்டையை அடுத்துள்ள அரும்பாவூரை சேர்ந்தவர் ராஜேந்திரன். இவர் கடந்த வாரம் தனது வீட்டின் முன்பு நிறுத்தி இருந்த மோட்டார் சைக்கிளை மர்ம நபர் ஒருவர் திருடி சென்றுள்ளார். இதுகுறித்து ராஜேந்திரன் அரும்பாவூர் போலீசில் கொடுத்த புகாரின் பேரில் போலீசார் வழக்குப்பதிவு செய்து விசாரணை நடத்தி வந்தனர். விசாரணையில் மோட்டார் சைக்கிளை திருடியவர் சேலம் மாவட்டம், தலைவாசலை சேர்ந்த சக்திவேல் மகன் ஈஸ்வரன்(வயது 23) என்பது தெரியவந்தது. பின்னர் அவரை கைது செய்து அவரிடமிருந்து மோட்டார் சைக்கிளை மீட்டு நீதிமன்றத்தில் ஆஜர்படுத்தி சிறையில் அடைத்தனர்.