மோட்டார் சைக்கிள், லாரி திருட்டு

ஓசூர்:-

ஓசூர் ஏ.எஸ்.டி.சி. பகுதியை சேர்ந்த பயாஸ் மகன் ஜீலான் (வயது23), பழ வியாபாரி. இவர் தனது வீட்டு முன்பு மோட்டார் சைக்கிளை நிறுத்தி இருந்தார். இதை மர்ம நபர்கள் திருடி சென்று விட்டனர். இதேபோல் ஜீலான் தனது மினி லாரியை வீட்டு முன்பு நிறுத்தி இருந்தார். இதை மர்ம நபர்கள் திருட முயன்றனர். லாரியின் கதவு மற்றும் லாக்கை உடைக்க முடியாததால் அந்த நபர்கள் ஏமாற்றத்துடன் திரும்பினர். இதேபோன்று ஓசூர் அருகே அத்திப்பள்ளியை சேர்ந்த வெங்கடேஷ் (47) என்பவரது மினிலாரியை மர்ம நபர்கள் திருடிச் சென்று விட்டனர். இதுகுறித்து ஜீலான், வெங்கடேஷ் ஆகியோர் கொடுத்த புகாரின் பேரில் ஓசூர் போலீசார் மர்ம நபர்கள் குறித்து விசாரணை நடத்தி வருகின்றனர்.