சமயநல்லூர் பகுதியில் போதை மாத்திரை விற்றவர் கைது

வாடிப்பட்டி,

சமயநல்லூர் பகுதியில் போதை மாத்திரைகள் விற்கப்படுவதாக ்போலீசாருக்கு தகவல் கிடைத்தது. அதன்படி போலீஸ் சப்-இன்ஸ்பெக்டர் ராஜேந்திரன் தலைமையில் போலீசார் நேற்று இரவு பிள்ளையார் கோவில் தெரு பகுதியில் ரோந்து சென்றனர். அப்போது அங்கு போலீசாரைக்கண்டதும் ஓட முயன்ற அதே தெருவை சேர்ந்த முருகன் மகன் கிருஷ்ணன் (வயது 20) என்பவரை விரட்டிப்பிடித்து சோதனையிட்டனர். இதில் அவர் மருத்துவரின் அனுமதியின்றி பயன்படுத்தக்கூடாத மாத்திரைகளை வைத்து சட்டவிரோதமாக போதை மாத்திரைகளாக விற்பனை செய்வது தெரிய வந்தது. உடனே போலீசார் கிருஷ்ணனை கைது செய்து மாத்திரைகளை பறிமுதல் செய்தனர்.