வடமாநில பிச்சைக்காரர் ரெயில் மோதி பலி

திருச்சி ரெயில் நிலையத்துக்கும் குமாரமங்கலம் ரெயில் நிலையத்திற்கும் இடையே கெவுலி கிராமம் உள்ளது. இந்த பகுதியில் உள்ள ரெயில்வே தண்டவாளத்தில் நேற்று 45 வயது மதிக்கத்தக்க ஆண் ஒருவர் நடந்து சென்றார். அப்போது அந்த வழியாக சென்ற ரெயில் அவர் மீது மோதியது. இதில் உடல் சிதறி அவர் பலியானார். இந்த சம்பவம் குறித்து தகவல் அறிந்த திருச்சி ரெயில்வே போலீசார் சம்பவ இடத்திற்கு விரைந்து சென்று அவரது உடலை மீட்டு பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். விசாரணையில் அவர் வடமாநிலத்தை சேர்ந்தவர் எனவும், அப்பகுதியில் பிச்சை எடுத்து வாழ்ந்து வந்ததும் தெரியவந்தது. இந்த சம்பவம் குறித்து ரெயில்வே சப்-இன்ஸ்பெக்டர் லட்சுமி வழக்குப்பதிவு செய்து விசாரணை நடத்தி வருகிறார்.