வாகனம் மோதி மூதாட்டி பலி

சின்னசேலம்

சின்னசேலம் அருகே இந்திலி ஜெ.ஜெ.நகர் தெற்கு தெருவை சேர்ந்தவர் அம்மாசி மனைவி சரசு(வயது 67). இவர் நேற்று முன்தினம் அதிகாலை இந்திலி பஸ் நிறுத்தம் அருகே சேலம்-சென்னை தேசிய நெடுஞ்சாலையோரமாக நடந்து சென்று கொண்டிருந்த போது பின்னால் வந்த இருசக்கர வாகனம் அவர் மீது மோதியது. இதில் படுகாயம் அடைந்த சரசுவை அக்கம் பக்கத்தினர் மீட்டு சிகிச்சைக்காக கள்ளக்குறிச்சி அரசு ஆஸ்பத்திரிக்கு அனுப்பி வைத்தனர். ஆனால் வழியிலேயே அவர் பரிதாபமாக இறந்தார். இதுகுறித்து சின்ன சேலம் போலீசார் வழக்குப்பதிவு செய்து விசாரணை நடத்தி வருகின்றனர்.