மோட்டார் சைக்கிள் கவிழ்ந்து முதியவர் பலி

நெகமம்

நெகமத்தை அடுத்த மன்றாம்பாளையத்தை சேர்ந்தவர் ஈஸ்வரன்(வயது 82). இவர் மன்றாம்பாளையத்தில் இருந்து வடசித்தூர் அருகே குரும்பபாளையத்தில் உள்ள தனது மகள் வீட்டுக்கு மோட்டார் சைக்கிளில் வந்தார். பின்னர் அங்கிருந்து மன்றாம்பாளையத்திற்கு சென்று கொண்டு இருந்தார். குரும்பபாளையம்-வடசித்தூர் ரோட்டில் ஜெயபால் என்பவரது தோட்டம் அருகே உள்ள வளைவில் திரும்பியபோது, திடீரென நிலைதடுமாறி சாலையோர பள்ளத்தில் மோட்டார் சைக்கிள் கவிழ்ந்தது. இதில் படுகாயம் அடைந்த ஈஸ்வரன் சம்பவ இடத்திலேயே இறந்தார். இதுகுறித்து தகவல் அறிந்த நெகமம் போலீசார், சம்பவ இடத்துக்கு விரைந்து சென்றனர். தொடர்ந்து ஈஸ்வரனின் உடலை மீட்டு பொள்ளாச்சி அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். மேலும் சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.