சாலை விபத்தில் முதியவர் சாவு

அரவக்குறிச்சி அருகே மேட்டுப்பட்டியை சேர்ந்தவர் காளிமுத்து (வயது 60). இவர் நேற்று மேட்டுப்பட்டியில் இருந்து தனது மொபட்டில் சொந்த வேலையாக அரவக்குறிச்சி சென்று விட்டு ஊருக்கு வந்து கொண்டிருந்தார். அப்போது, எதிரே கேரள மாநிலம் அட்டப்பள்ளத்தை சேர்ந்த ஜோஷின் (22) என்பவர் ஓட்டி வந்த மோட்டார் சைக்கிளும், காளிமுத்து ஓட்டி வந்த மொபட்டும் நேருக்கு மோதின. இதில் மொபட்டில் இருந்து தூக்கி வீசப்பட்ட காளிமுத்து படுகாயம் அடைந்து சம்பவ இடத்திேலயே பரிதாபமாக இறந்தார். ஜோஷின் லேசான காயத்துடன் உயிர் தப்பினார். இதுகுறித்து தகவல் அறிந்த அரவக்குறிச்சி போலீசார் சம்பவ இடத்திற்கு வந்து காளிமுத்துவின் உடலை கைப்பற்றி பிரேத பரிசோதனைக்காக அரவக்குறிச்சி அரசு மருத்துவமனைக்கு அனுப்பி வைத்தனர். இந்த விபத்து குறித்து அரவக்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.