ஆற்றில் மூழ்கி முதியவர் பலி

ஒரத்தூர்,

புவனகிரி அருகே உள்ள அழிச்சிக்குடியை சேர்ந்தவர் பரமசிவம் (வயது 60). இவர் சம்பவத்தன்று கிளியனூர் வெள்ளாற்றின் மதகு அருகில் மீன்பிடித்துக் கொண்டிருந்தார். அப்போது ஆற்றில் இறங்கிய போது பள்ளத்தில் விழுந்ததில், நீரில் மூழ்கி உயிரிழந்தார். இதுபற்றி தகவல் அறிந்த ஒரத்தூர் போலீசார் விரைந்து வந்து, ஆற்றில் மூழ்கி இறந்த பரமசிவம் உடலை கைப்பற்றி பிரேத பரிசோதனைக்காக சிதம்பரம் அரசு ஆஸ்பத்திரிக்கு அனுப்பி வைத்தனர். தொடர்ந்து இதுகுறித்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.