மோட்டார் சைக்கிள் மோதி முதியவர் பலி

ரிஷிவந்தியம்

பகண்டை கூட்டு ரோடு அருகே சின்னக்கொள்ளியூர் கிராமத்தை சேர்ந்தவர் மவுலாசாயபு(வயது 75). இவர் நேற்று முன்தினம் இரவு அதேபகுதியில் சாலையில் நடந்து சென்று கொண்டிருந்தபோது எதிரே வந்த மோட்டார் சைக்கிள் மவுலாசாயபு மீது மோதியது. இதில் படுகாயம் அடைந்த அவரை குடும்பத்தினர் சிகிச்சைக்காக திருவண்ணாமலை அரசு ஆஸ்பத்திரிக்கு கொண்டு சென்றனர். அங்கு சிகிச்சை பலன் இன்றி மவுலாசாயபு பரிதாபமாக இறந்தார். இது குறித்த புகாரின் பேரில் பகண்டை கூட்டுரோடு போலீசார் வழக்குப்பதிவு செய்து விசாரணை நடத்தி வருகின்றனர்.