வேன் மோதி மூதாட்டி சாவு

விருதுநகர் அய்யனார் நகரை சேர்ந்தவர் பாலசுப்பிரமணியம் (வயது 43). இவரது தாயார் சொர்ணம் (80). சம்பவத்தன்று சொர்ணம் குப்பை கொட்டுவதற்காக வெளியில் சென்ற போது அந்த வழியாக வந்த வேன் மோதியதில் படுகாயம் அடைந்தார். உடனே அவர் விருதுநகர் அரசு ஆஸ்பத்திரியில் சிகிச்சைக்காக அனுமதிக்கப்பட்டார். அங்கு சிகிச்சை பலனளிக்காமல் அவர் பரிதாபமாக இறந்தார். இதுகுறித்து பாலசுப்பிரமணியம் கொடுத்த புகாரின் பேரில் விருதுநகர் மேற்கு போலீசார் வேனை ஓட்டி வந்த பாண்டியன் நகரை சேர்ந்த கண்ணன் (25) என்பவர் மீது வழக்குப்பதிவு செய்து விசாரணை மேற்கொண்டுள்ளனர்.