கார் மோதி மூதாட்டி பலி

அரவக்குறிச்சி அருகே உள்ள சூரிபாலியை சேர்ந்தவர் அருக்காயம்மாள் (வயது 72). இவர் நேற்று மாலை அப்பகுதியில் சாலையோரத்தில் உள்ள முள்காட்டில் தனது ஆடுகளை மேய்த்து கொண்டிருந்தார். அப்போது, மார்க்கம்பட்டியில் இருந்து அரவக்குறிச்சி நோக்கி வந்த கார் ஒன்று எதிர்பாராத விதமாக அருக்காயம்மாள் மீது மோதியது. இதில் தூக்கி வீசப்பட்ட அவர் சம்பவ இடத்திலேயே பரிதாபமாக இறந்தார். இதுகுறித்து தகவல் அறிந்த அரவக்குறிச்சி போலீசார் சம்பவஇடத்திற்கு வந்து மூதாட்டியின் உடலை கைப்பற்றி பிரேத பரிசோதனைக்காக அரவக்குறிச்சி அரசு மருத்துவமனைக்கு அனுப்பி வைத்தனர். இந்த விபத்து குறித்து போலீசார் வழக்குப்பதிந்து விசாரணை நடத்தி வருகின்றனர்.