ரெயிலில் அடிபட்டு ஒருவர் பலி

பீளமேடு

பீளமேடு ரெயில்வே மேம்பாலத்தின் கீழ் பகுதியில் உள்ள தண்டவாளத்தை சுமார் 45 மதிக்கத்தக்க ஆண் ஒருவர் கடக்க முயன்றார். அப்போது அந்த வழியாக வந்த கேரளா எக்ஸ்பிரஸ் ரெயில் அவர் மீது மோதியது. இதில் படுகாயம் அடைந்த அவர் சம்பவ இடத்திலேயே பரிதாபமாக இறந்தார். இதுகுறித்து கோவை ரெயில்வே போலீசாருக்கு அந்த பகுதியை சேர்ந்தவர்கள் தகவல் தெரிவித்தனர். உடனடியாக சப்-இன்ஸ்பெக்டர் கவிதா மற்றும் போலீசார் சம்பவ இடத்திற்கு விரைந்து சென்றனர்.

ரெயிலில் அடிபட்டு இறந்த நபர் நீல கலர் கட்டம் போட்ட சட்டை அணிந்திருந்தார். வலது கையில் பரமசிவம் வீரம்மாள் என பச்சை குத்தி இருந்தார். பின்னர் போலீசார் இறந்தவரின் உடலை மீட்டு கோவை அரசு ஆஸ்பத்திரிக்கு பிரேத பரிசோதனைக்கு அனுப்பி வைத்தனர். இதுகுறித்து ரெயில்வே போலீசார் வழக்குப்பதிவு செய்து ரெயிலில் அடிபட்டு இறந்தவர் யார்? எந்த ஊரைச் சேர்ந்தவர் என்பது குறித்து விசாரணை நடத்தி வருகின்றனர்.