அரசு பஸ் மோதி ஒருவர் சாவு; 2 பேர் காயம்

மணப்பாறையை அடுத்த அமையபுரம் பகுதியை சேர்ந்தவர் முத்துக்குமார் (வயது 40). இவர் தனது அண்ணன் முருகேசன் (53), அண்ணன் மகன் கந்தசாமி (21) ஆகியோருடன் மொபட்டில் மணப்பாறை நோக்கி சென்று கொண்டிருந்தார். விடத்திலாம்பட்டி அருகே சென்று கொண்டிருந்த போது பின்னால் வந்த அரசு பஸ் மொபட் மீது மோதியது. இந்த விபத்தில் முத்துக்குமார் சம்பவ இடத்திலேயே பரிதாபமாக உயிரிழந்தார். காயமடைந்த இருவரும் சிகிச்சைக்காக மணப்பாறை அரசு ஆஸ்பத்திரிக்கு அனுப்பி வைக்கப்பட்டனர். இது குறித்த புகாரின் பேரில் மணப்பாறை போலீசார் வழக்குப்பதிவு செய்து விசாரணை நடத்தி வருகின்றனர்.