ஊட்டி டிவிஸ் அணி வெற்றி

கோத்தகிரி

நீலகிரி மாவட்ட கிரிக்கெட் சங்கம் சார்பில், மாவட்ட அளவிலான ஏ, பி மற்றும் சி டிவிஷன் கிரிக்கெட் போட்டிகள் கோத்தகிரி காந்தி மைதானத்தில் நடைபெற்று வருகிறது. இந்தநிலையில் நேற்று நடைபெற்ற பி டிவிஷன் பிரிவிற்கான லீக் போட்டியில் குன்னூர் யாங்கீஸ் அணியும், ஊட்டி டிவிஸ் அணியும் மோதியது. போட்டியில் டாஸ் வென்று முதலில் பேட்டிங் செய்த ஊட்டி டிவிஸ் அணி நிர்ணயிக்கப்பட்ட 35 ஓவர்களில் 9 விக்கெட்டுகளை இழந்து 296 ரன்கள் குவித்தது. இந்த அணி வீரர்கள் சத்ய மூர்த்தி 57 ரன்கள், எஸ்.மணிகண்டன் 48 ரன்கள், பி.மணிகண்டன் 42 ரன்கள், சதீஷ் குமார் 32 ரன்கள் எடுத்தனர்.

தொடர்ந்து 210 பந்துகளில் 295 ரன்கள் எடுத்தால் வெற்றி என்ற இலக்குடன் விளையாடிய குன்னூர் யாங்கீஸ் அணி 30 ஓவர்களில் அனைத்து விக்கெட்டுகளையும் இழந்து 217 ரன்கள் மட்டுமே எடுத்து தோல்வியடைந்தது. இந்த அணி வீரர் அருண் 104 ரன்கள் எடுத்து சதமடித்தார். மற்றொரு வீரர் அமன்குமார் 27 ரன்கள் எடுத்தார். ஊட்டி டிவிஸ் அணியின் பந்து வீச்சாளர் அபிஷேக் 5 விக்கெட்டுகளை வீழ்த்தினார். இதன் மூலம் ஊட்டி டிவிஸ் அணி 77 ரன்கள் வித்தியாசத்தில் வெற்றி பெற்றது.