விபத்தில் பெயிண்டர் பலி

கேணிக்கரை,

ராமநாதபுரம் வ.உ.சி.நகரை சேர்ந்தவர் சண்முகநாதன் (வயது50). பெயிண்டிங் வேலை பார்த்து வந்த இவர் நேற்று முன்தினம் வேலைக்கு சென்றுவிட்டு வீட்டிற்கு வந்தவர் மீண்டும் இருசக்கர வாகனத்தில் வெளியே சென்றார். ரெகுநாதபுரத்தில் உள்ள நண்பரை பார்த்து விட்டு அவர் திரும்பி வந்துகொண்டிருந்தார்.

ராமநாதபுரம் அருகே சுப்புத்தேவன் வலசை பகுதியில் வந்தபோது எதிர்பாராதவிதமாக நிலைதடுமாறி இருசக்கர வாகனத்தில் இருந்து கீழே விழுந்துள்ளார். படுகாயமடைந்த அவரை உடனடியாக மீட்டு ராமநாதபுரம் அரசு ஆஸ்பத்திரிக்கு கொண்டு சென்றபோது பரிசோதித்த டாக்டர், அவர் ஏற்கனவே இறந்துவிட்டதாக தெரிவித்துள்ளார். இதுகுறித்து அவரது மனைவி குருமதி (45) அளித்த புகாரின் அடிப்படையில் ராமநாதபுரம் கேணிக்கரை போலீசார் வழக்குபதிவு செய்து விசாரித்து வருகின்றனர்.