காளையார்கோவில் ஊராட்சி ஒன்றிய கவுன்சிலர்கள் கூட்டம்

காளையார்கோவில்

காளையார்கோவில் ஊராட்சி ஒன்றிய கவுன்சிலர்கள் கூட்டம் ஒன்றிய குழுத்தலைவர் ராஜேஸ்வரி கோவிந்தராஜ் தலைமையில் கூட்ட அரங்கில் நேற்று நடைபெற்றது. துணைத்தலைவர் ராஜா, வட்டார வளர்ச்சி அலுவலர்கள் சோமதாஸ், ரத்தினவேலு ஆகியோர் முன்னிலை வகித்தனர். ஒன்றிய குழுத்தலைவர் உள்பட 11 கவுன்சிலர்கள் கலந்து கொண்டனர். வேளாண்மை துறை, கல்வி துறை, மின்சார துறை, சுகாதாரத் துறை உள்பட பல்வேறு துறை அதிகாரிகள் கூட்டத்தில் கலந்து கொண்டனர். கவுன்சிலர்களின் கேள்விகளுக்கு வட்டார வளர்ச்சி அலுவலர்கள் சோமதாஸ், ரத்தினவேலு, துணை வட்டார வளர்ச்சி அலுவலர் பத்மநாபன் ஆகியோர் பதில் அளித்தனர்.