டிப்பர் லாரி மோதி உடற்கல்வி ஆசிரியர் படுகாயம்
டிப்பர் லாரி மோதி உடற்கல்வி ஆசிரியர் படுகாயம் அடைந்தார்.
புதுக்கோட்டை
கந்தர்வகோட்டை அருகே உள்ள மட்டங்கால் கிராமத்தை சேர்ந்தவர் தங்கமணி (வயது 42). இவர் கறம்பக்குடி அரசு பள்ளியில் பகுதி நேர உடற்கல்வி ஆசிரியராக பணியாற்றி வருகிறார். நேற்று இவர் மோட்டார் சைக்கிளில் தனது வீட்டிற்கு சென்று கொண்டிருந்தார். அப்போது கந்தர்வகோட்டையில் இருந்து கிராவல் மண் ஏற்றி வந்த டிப்பர் லாரி எதிர்பாராதவிதமாக மோட்டார் சைக்கிள் மீது மோதியது. இதில் படுகாயம் அடைந்த தங்கமணியை அருகே இருந்தவர்கள் மீட்டு தஞ்சாவூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள். இந்த விபத்து குறித்து கந்தர்வகோட்டை போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story