100 வேலைவாய்ப்பு முகாம்களை நடத்த திட்டம்: அமைச்சர் உதயநிதி ஸ்டாலின்

சென்னை,

சென்னை மாநிலக்கல்லூரியில் நடைபெற்ற தனியார் வேலைவாய்ப்பு முகாமில் அமைச்சர் உதயநிதி ஸ்டாலின் கலந்துகொண்டு தொடங்கிவைத்தார். இது தொடர்பாக அவர் தன்னுடைய டுவிட்டரில் கூறி இருப்பதாவது;

"முத்தமிழறிஞர் கலைஞர் அவர்களின் நூற்றாண்டு விழாவையொட்டி, தொழிலாளர் நலன் & திறன் மேம்பாட்டுத்துறை - வேலைவாய்ப்பு & பயிற்சித்துறை சார்பில் 100 வேலைவாய்ப்பு முகாம்கள் நடத்தப்படவுள்ளன. அதில், முதலாவது முகாமை சென்னை மாநிலக் கல்லூரியில் இன்று தொடங்கி வைத்தோம்.

மேலும், நம் திராவிட மாடல் அரசு அமைந்த பிறகு, சிறிதும், பெரிதுமாக 2,400 வேலைவாய்ப்பு முகாம்கள் நடத்தப்பட்டுள்ளன. இதன் மூலம் 1 லட்சத்து 50 ஆயிரமாவது பணி ஆணையை வழங்கினோம்.

தமிழ்நாடு முழுவதும் நடக்கவிருக்கும் இந்த வேலைவாய்ப்பு முகாம்களில் இளைஞர்கள் அதிகளவில் கலந்து கொண்டு பயனடைய என் அன்பும், வாழ்த்தும்." இவ்வாறு அவர் அதில் தெரிவித்துள்ளார்.