பா.ம.க. சார்பில் கடிதம் அனுப்பும் போராட்டம்

நெமிலியை அடுத்த சம்பத்துராயன்பேட்டை கிராமத்தில் நெமிலி வடக்கு ஒன்றிய பாட்டாளி மக்கள் கட்சியின் சார்பில் உள்இடஒதுக்கீடு வழங்கக்கோரி கடிதம் அனுப்பும் அறப்போராட்டம் நடைபெற்றது. ஒன்றிய செயலாளர் மாதவன் தலைமை தாங்கினார். வருகிற 31-ந் தேதிக்குள் வன்னியர்களுக்கு 10.5 சதவீத உள்இடஒதுக்கீடு வழங்கக்கோரி இந்த போராட்டம் நடைபெற்றது.

முன்னதாக சம்பத்துராயன் பேட்டை பிள்ளையார் கோவில் வளாகத்தில் இருந்து பெரிய தெரு வழியாக ஊர்வலமாக சென்று சம்பத்துராயன் பேட்டை தபால் நிலையத்தில் இருந்து தமிழக முதல்-அமைச்சருக்கும், மாநில பிற்படுத்தப்பட்டோர் ஆணைய தலைவருக்கும் தபால் அனுப்பிவைத்தனர். இதில் பாஸ்கர், பெருமாள், வேலு உள்ளிட்ட நிர்வாகிகள் கலந்துகொண்டனர்.