பொதுமக்களிடம் விழிப்புணர்வு ஏற்படுத்திய போலீசார்

பெரம்பலூர் அருகே எசனை கிராமத்தில் போலீசார் சார்பில் விழிப்புணர்வு நிகழ்ச்சி நடந்தது. இதில் பொதுமக்களிடையே மாவட்ட ஆள்கடத்தல் தடுப்பு சிறப்பு பிரிவு போலீஸ் சிறப்பு சப்-இன்ஸ்பெக்டர் மருதமுத்து தலைமையிலான போலீசார் பெண்கள் மற்றும் குழந்தைகளுக்கு எதிரான குற்றங்கள் குறித்து விழிப்புணர்வு ஏற்படுத்தி பேசினர். மேலும் அவர்கள் ஒவ்வொரு போலீஸ் நிலையத்திலும் செயல்படும் பெண்கள் உதவி மைய இலவச தொலைபேசி எண் 181 குறித்தும், குழந்தைகளுக்கு எதிரான குற்றச்சாட்டுக்களை தெரிவிக்க 1098 என்ற இலவச தொலைபேசி எண் குறித்தும், பள்ளி குழந்தைகளின் பாதுகாப்பிற்காக செயல்படும் இலவச உதவி எண் 14417 குறித்தும், காவல் உதவி செயலி குறித்தும் விழிப்புணர்வு ஏற்படுத்தினர்.