போலீஸ் சப்-இன்ஸ்பெக்டர் திடீர் சாவு

புலியூர் கவுண்டம்பாளையத்தை சேர்ந்தவர் செல்வராஜ் (வயது 59). இவர் பசுபதிபாளையத்தில் போக்குவரத்து போலீஸ் சப்-இன்ஸ்பெக்டராக பணியாற்றி வந்தார். இந்நிலையில் நேற்று முன்தினம் இரவு பணி முடித்து வீட்டுக்கு சென்ற அவர் சாப்பிட்டுவிட்டு தூங்கினார். நள்ளிரவு இயற்கை உபாதை கழிப்பதற்காக எழுந்த செல்வராஜ் திடீரென வீட்டினுள் மயங்கி விழுந்தார். இதனைக்கண்ட உறவினர்கள் அவரை மீட்டு சிகிச்சைக்காக கரூர் அரசு மருத்துவக்கல்லூரி மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள் நெஞ்சு வலியால் செல்வராஜ் ஏற்கனவே இறந்து விட்டதாக தெரிவித்தனர். இதையடுத்து அவரது உடல் பிரேத பரிசோதனை அறைக்கு அனுப்பி வைக்கப்பட்டது. இந்த சம்பவம் குறித்து பசுபதிபாளையம் போலீசார் வழக்குப்பதிந்து விசாரணை நடத்தி வருகின்றனர்.