ஆட்டோ மோதி தனியார் நிறுவன ஊழியர் படுகாயம்

கிணத்துக்கடவு

கிணத்துக்கடவு அருகே உள்ள நல்லட்டிப்பாளையம், ஸ்ரீராம் நகரைச் சேர்ந்தவர் தமிழ்மணி (வயது 27). தனியார் நிறுவன ஊழியர். இவர் சம்பவத்தன்று தனது மோட்டார் சைக்கிளில் கிணத்துக்கடவில் இருந்து கோவை-பொள்ளாச்சி சாலையில் தாமரைகுளம் நோக்கி சென்று கொண்டிருந்தார்.

கல்லாங்காட்டு புதூர் பகுதியில் சென்றபோது எதிரே வந்த பயணிகள் ஆட்டோ, மோட்டார் சைக்கிள் மீது மோதியது. இதில் தூக்கி வீசப்பட்ட தமிழ்மணி பலத்த காயம் அடைந்தார். அவரை அக்கம் பக்கத்தினர் மீட்டு, சிகிச்சைக்காக கோவையில் உள்ள தனியார் மருத்துவமனைக்கு அனுப்பி வைத்தனர். அங்கு அவருக்கு சிகிச்சை அளிக்கப்பட்டு வருகிறது. இந்த சம்பவம் குறித்து கிணத்துக்கடவு போலீசார் வழக்குப்பதிவு செய்து விசாரணை நடத்தி வருகின்றனர்.