கபடி போட்டியில் வெற்றி பெற்ற அணிகளுக்கு பரிசு

இலுப்பூர் அருகே மலைக்குடிப்பட்டியில் கபடி போட்டி கடந்த 2 நாட்கள் நடைபெற்றது. இதில் புதுக்கோட்டை மாவட்டம் உள்ளிட்ட பல்வேறு பகுதிகளில் இருந்து 20-க்கும் மேற்பட்ட அணிகள் கலந்து கொண்டு விளையாடின. போட்டிகள் பல்வேறு சுற்றுகளாக நடந்தது. இதில் முதல் பரிசை மலைக்குடிப்பட்டி அணியும், 2-வது பரிசை இந்திராநகர் அணியும், 3-வது பரிசை குளவாய்ப்பட்டி அணியும், 4-வது பரிசை தென்னம்பாடி அணியும் பெற்றன. பின்னர் போட்டியில் வெற்றி பெற்ற அணிகளுக்கும், சிறந்த வீரர்களுக்கும் ரொக்கப்பரிசு, கோப்பைகள் வழங்கப்பட்டன. கபடி போட்டியை புதுக்கோட்டை மாவட்ட சுற்று வட்டாரத்தில் இருந்து வந்திருந்த திரளான பொதுமக்கள் கண்டு களித்தனர்.