அங்கன்வாடிகளுக்கு கோடை விடுமுறை அளிக்கக்கோரி ஆர்ப்பாட்டம்

கொரடாச்சேரி;

அங்கன்வாடிகளுக்கு கோடை விடுமுறை அளிக்க வேண்டும் என்பன உள்ளிட்ட கோரிக்கைகளை வலியுறுத்தி கொரடாச்சேரி அருகே அத்திக்கடையில் அங்கன்வாடி ஊழியர்கள் ஆர்ப்பாட்டத்தில் ஈடுபட்டனர். அங்கன்வாடிகளில் சமையல் பணிகளுக்காக வழங்கப்படும் எரிவாயு சிலிண்டருக்கான தொகை ரூ. 1205-ஐ முழுமையாக வழங்க வேண்டும். அங்கன்வாடிகளுக்கான மின் கட்டணத்தை அரசே நேரடியாக செலுத்த வேண்டும். பிரதான அங்கன்வாடி மையங்களை மினி மையமாகவும், குறு மையங்களை பிரதான அங்கன்வாடிகளோடும் இணைப்பதை கைவிட வேண்டும். உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடந்தது. ஆர்ப்பாட்டத்துக்கு வட்டாரத் தலைவர் கலைவாணி தலைமை தாங்கினார். ஆர்ப்பாட்டத்தில் அங்கன்வாடி ஊழியர்கள் உள்பட பலர் கலந்து கொண்டனர்.